“DAŞ DÜŞÜB AZƏRBAYCANIN BAŞINA”!!!

“Müəllim, ” 7-ci sinifdə dərs dediyim bir qızla sevişdim, onu məktəbdən kənarlaşdırıb ailə həyatı qurdum.” – deyir…

…Kəlləsinin gülləsi çatmır.” !!!

—-————————-

Eldar SABİROĞLU

Sabiq millət vəkili 

—————————-

Azərbaycanın teleməkanı əxlaqsızlığın, pozğunluğun təbliğatı və bu iyrənc işin yayılması üçün nə lazımdırsa, onu artıqlaması ilə yerinə yetirir. Baxmaq olmur televiziyalara. Adam heyrətə gəlir, yəni doğrudanmı mənəvi-əxlaqi dəyərlərimizin səviyyəsi, adət-ənənələrimizin keyfiyyət göstəriciləri elə bu qədərmiş?! Belə çıxır ki, namusu, abır və həyanı bazara çıxarmışıq. Bu dərəcədə məsuliyyətsizliyin, aşkar həyasızlığın adı yoxdur. Hər millətin içində əxlaqsız, pozğun həyat tərzi keçirən, ailəsinə xəyanət edən qadın və kişilər var. Kommunikasiya indi elə inkişaf dövrünə qədəm qoymuşdur ki, dünyanın o başından asanlıqla xəbər almaq problemini artıq yaşamırıq.

Müxtəlif ölkələrin teleziyalarına baxırıq. Onların verilişlərində də əxlaqi məsələlər müzakirəyə çıxarılır. Daha bizdəki kimi alt paltarların axtarışına çıxmırlar. Çox təəssüflər ki, Azərbaycan televiziyaları (bir-ikisi istisna olmaqla) bu məsələ ilə bağlı az qala ümumiləşmiş(!!!)obraz yaradıblar. Gerisini gətirmirəm…

Hansı kanalı açırsan, ya başıqırxıqlardan, ya gecə ərini yuxuya verərək köhnə sevgilisinə qoşulub qaçan 10-15 günün gəlinindən, ya da ki, evə xəlvəti başqa kişiləri gətirən sürüşkən qadınların xəyanətlərindən axmaqca söhbətlər aparılır. Mövzunun xüsusi ekspertləri, necə deyərlər, yüksək “təcrübə kurslarını” bitirmiş xeyli mütəxəssisləri də var. Aparıcı ilə “müqavilə bağlayan” eyni adamlar verilişə dəvət olunaraq əttökən çıxışları, sualları ilə camaatın əsəbləri ilə oynayırlar. Belə biabırçı, gəncliyin tərbiyəsini, mənəviyyatını aşılayan zərərli verilişlərin müzakirəsinə hətta bəzi deputatlar, yazıçı, şair, elm adamları, müəllimlər də qoşulurlar…

Deyəsən, “Spase” idi, abırını ətəyinə bükən, müəllim adına ləkə sayılan birisini efirə çıxarmışdılar. Görün “müəllim” nə deyir: ” 7-ci sinifdə dərs dediyim bir qızla sevişdim, onu məktəbdən kənarlaşdırıb ailə həyatı qurdum.” Kəlləsinin gülləsi çatmır. Aparıcı da sanki nadir tapıntı əldə etdiyindən üzü-gözü gülürdü…

Daş düşüb Azərbaycanın başına. Doğrudan!!! Bəs bu telekanallara nəzarət edən təşkilat qış yuxusundan nə vaxt ayılacaq? Bəlkə bu cür təbliğatın yerinə yetirlməsi ona görə lazımdır ki, cəmiyyətin başı qarışsın və digər problemlər barədə düşünməyə vaxtı qalmasın!!!

Allah bilir nə məsələdir!!!

Be the first to comment

Leave a Reply

Your email address will not be published.


*