“SÖZÜN SULTANI” MƏQAMIN ƏBƏDİ OLSUN, ŞAİRİM !!!

PAYLAŞIN

AYAZ ARABAÇI – 51

Çağdaş Azərbaycan poeziyasında Sözün Sultanlığına ucala bilən tək şairlərdəndi (şeir yazanlardan yox haaa) Ayaz ARABAÇI.

Doğum günün mübarək, ömrün mutluluklarla dolu, həyatın ən əbədi ankarı, ən təmiz, ən pak, ən bakirə duyğuları, ən xoş saatları, ən xoşbəxt ayları, illəri, dünyanın ən yüksək mərtəbələri, ən uca zirvələri, ən ali məqanları sənin olsun, Ayaz ARABAÇI !!!

“Sözün Sultını” məqamın əbədi olsun, Şairim !!!

“BİZ BELƏ AZADLIQ İSTƏMƏMİŞDİK”

HARAYLI MİLLƏTİN

“BU XALQI OYADIB NEYLİYƏCƏKSƏN”

SUALI QARŞISINDA SUSAN ADAMLARINA

“BU ŞƏHİD ANASI NİYƏ DİLƏNİR?!”

PIÇILTISI İLƏ QARŞI GƏLƏN ŞAİR

Ayaz ARABAÇI

BU GÜN ÖMRÜMÜZÜN ŞUŞA GÜNÜDÜ !!!

Bu gün ömrümüzün Şuşa günüdü,
İşğal tarixidi, biliklənirik.
Bu gün ömrümüzün şüşə günüdü,
Təzədən qırılıb çiliklənirik.

Bu gün ömrümüzün Şuşa günüdü,
Bu gün can yerinə, Şuşa deyirəm.
Qəlbimin səsini heç kim eşitmir,
Qəlbimin sözünü daşa deyirəm.

Biz axı düşmənə kin bəsləyənik,
Bəs niyə alammır o kin Şuşanı,
Siyasi rəssamlar sözdən qurtarın,
Zəfər meydanına çəkin Şuşanı.

Hərdən öz-özümə sual verirəm,
Bu xalq hansı günə yaraq saxlayır
Bir şair öyünür fəxri adıyla
Bir nazir başında papaq saxlayır.

Hanı o siyasət, hanı o dahi,
İllərdir ərimir, ərimir bu qar.
Görən nə düşünür millət, ilahi,
Axı lüğətində «kişi» sözü var!

Qeyrət qışqırıram kar qulaqlara,
Tənə eləyirlər, ələ salırlar.
Oturub hərə bir isti otaqda,
Torpaq əvəzinə rüşvət alırlar.

Yosun bığ, deputat efirə sığmır,
Dağıdır hər yana tüpürcəyini,
Vətən satılandan, torpaq gedəndən,
Düzəlib geyimi, başı, əyini.

Yalandan and içir, vətənə, xalqa,
Biz böyük millətik qana-qan deyir.
Evdə uşağına, arvadına da,
O can kəlməsini yalandan deyir.

Hərə bir tərəfdə baş girələyir,
Söz alır, söz satır gəlib-gedənlər,
Qəsrlər ucalıb buluda dəyir,
Piylənir qarınlar, şişir gödənlər.

Kimsəni tərpətmir Şuşa ağrısı,
Kimsəni ağrıtmır, kimsəni sıxmır.
Gülə qaçanların güllə məqamı,
Biri də yüyürüb qabağa çıxmır.

Bu gün ömrümüzün Şuşa günüdü,
İşğal tarixidi, «biliklənirik»
Bu gün ömrümüzün şüşə günüdü,
Təzədən qırılıb çiliklənirik.

 

Be the first to comment

Leave a Reply

Your email address will not be published.


*